- რატომ არ შეიძლება, მართლმადიდებლურ ტაძრებში ვილოცოთ დამსხდრებმა ისევე, როგორც ქრისტიანობის სხვა კონფესიებში? მართლმადიდებლობა არ კრძალავს დამჯდარ მდგომარეობაში ლოცვას. მართლმადიდებლურ ტაძრებშიც არის სკამები, რომლებზეც შეიძლება დაჯდომა ღვთისმსახურების დროს, მაგრამ მართლმადიდებლური რელიგიური ცხოვრებისათვის უცხოა დასავლურ კონფესიური კომფორტი (ასკეზის უარყოფა, უმარხულობა, ღვთისმსახურების მცირე ხანგრძლივობა, ინსტრუმენტალური მუსიკა, ჯდომა). მართლმადიდებლობა ქრისტეს მოწაფეობა, მისი მიმდევრობა, მისი ცხოვრებით ცხოვრებაა. ნამდვილი რელიგიური ცხოვრება მორწმუნეს ქრისტესადმი სიყვარულს უნდა ასწავლიდეს, ხოლო სიყვარული ღვაწლისა და თავგანწირვის გარეშე არ არსებობს. ამიტომაც არ გვეთმობა მართლმადიდებლებს საუკუნეებში გამოტარებული ტრადიციებით გადმოცემული ღვთისმსახურების და საერთოდ, რელიგიური ცხოვრების სიმკაცრე. მარხვით, ხანგრძლივი საეკლესიო ღვთისმსახურებით, ლიტურღიაზე (რომელიც ქრისტეს ცხოვრებაა) დგომით და დაღლით საშუალება გვეძლევა, ქრისტესადმი ერთგულება და სიყვარული გამოვხატოთ. ხოლო ჯდომა და საორღანო მუსიკის მოსმენა დარბაზებშიც შეგვიძლია. არ უნდა დაგვავიწყდეს, რომ ტაძარში ლოცვა (არამარტო ტაძარში) ღმერთთან საუბარია და რატომ გვიკვირს, რომ უმჯობესია, უფალს ფეხზე წამოვუდგეთ? თუმცა, როგორც ზემოთ აღვნიშნეთ, დაჯდომა (განსაკუთრებით უძლურების შემთხვევაში) არავის ეკრძალება.
9 წელია ვიმყოფები საბერძნეთში და ხშირად მქონია პრობლემა იმის გამო,რომ ბერძენი ქალბატონები ეკლესიაში შედიან თავსაფრის გარეშე,ამბობე,რომ თავსაფრით კათოლიკები შედიან ეკლესიაში,ძალიან მაინტერსებს რომელი საქციელი უფრო მართებულია,ჩვენი,ქართველების თუ ბერძნების და კიდევ ერთი,ბერძნები ზეიმობენ სახელების დღეებს,ე.ი.ყველა ადამიანს ჰქვია წმინდანის სახელი და შესაბამისად ყველა ზეიმობს თავისი სახელის დღეს,რაც ჩვენთან,საქართველოში არ ხდება,ეჭვი ეპარებათ ჩემს მართლმდიდებლობაში ამის გამო,თუ შეაძლებელია გთხოვთ ამიხსნათ ამის შესახებ,დიდი მადლობა წინასწარ,ღმერთი გფარავდეთ თქვენც და მთელს საქართველოსაც.