| სტატისტიკა |
სულ ონლაინში: 3 სტუმარი: 3 მომხმარებელი: 0
|
|
მთავარი » 2010 » აგვისტო » 29
|
კატეგორია: ტაძრები და მონასტრები
ალავერდის სამონასტრო კომპლექსის მთავარი
ტაძრის ჩრდილოეთ ნაწილში წმ. იოსებ ალავერდელის საფლავის თავზე ფრესკის
უძველესი ფენა აღმოაჩინეს. წინასწარი ვარაუდით, მხატვრობა მთავარი ტაძრის
აგების დროინდელია.
დაზიანებულ კედელზე გამოვლენილი მხატვრობა რთულად
იკითხება, თუმცა გამოსახულების ქვედა ნაწილი, მისი ჩაცმულობის კონტურები და
ხმლის მოხატული წვერი სპეციალისტებს ქტიტორის გამოსახულებაზე მიანიშნებს.
სავარაუდოდ, გამოსახულება ალავერდის მაშენებელ კვირიკე პირველს უნდა
ეკუთვნოდეს.
|
|
კატეგორია: ჩვენი პატრიარქი
აგვისტო 29, 2010
სრულიად საქართველოს კათოლიკოს-
პატრიარქი, უწმინდესი და უნეტარესი ილია მეორე სპეციალური ლიცეუმების
შექმნის ინიციატივით გამოდის და ამ საკითხზე განათლებისა და მეცნიერების
მინისტრ დიმიტრი შაშკინთან შეხვედრასაც გეგმავს.
როგორც უწმინდესმა დღეს საკვირაო ქადაგებისას განაცხადა, სამწუხაროა, რომ 11 000-მდე ახალგაზრდა უმაღლესი სასწავლებლის გარეშე დარჩა.
"ახალგაზრდები
გზას რომ არ ასცდნენ, აუცილებელია მათ შეისწავლონ ხელობა, საღვთო წერა.
აუცილებელია შეიქმნას ლიცეუმები, სადაც ისწავლიან ახალგაზრდები, იქნებიან
მაღალი ინტელექტით განათლებული ადამიანები. შესაძლოა ამ საკითხზე
განათლებისა და მეცნიერების მინისტრ დიმიტრი შაშკინს შევხვდე", - განაცხადა
პატრიარქმა.
სამების საკათედრო ტაძარში ქადაგებისას უწმინდესმა დღესვე, ტრადიციულად, რამდენიმე ქართული გვარი დალოცა.
ილია
მეორე ეკლესიის საკუთრებაში არსებული მიწების მოსახლეობისთვის გადაცემისა
და სპეციალური სოფლების შექმნის ინიციატივითაც გამოდის.
|
|
კატეგორია: დღესასწაულები
└─► დაწვრილებით'ში ნახავთ ანჩისხატის ტაძრის ისტორიას...
16 (29) აგვისტოს საქართველოს მართლმადიდებელი ეკლესია დღესასწაულობს იესო ქრისტეს ხელთუქმნელი ხატის ჩამობრძანებას ედესიდან კონსტანტინოპოლში - ანჩისხატობას.
მაცხოვრის ხელთქუმნელი ხატი, ან როგორც მას საქართველოში უწოდებენ, პირი ღვთის ხატი, ქრისტიანობის უდიდეს სიწმინდეს წარმოადგენს. ამ სასწაულთმოქმედი ხატის შექმნა უშუალოდ უფალს ჩვენსას იესო ქრისტეს უკავშირდება. როცა განკაცებული ღმერთი ჯერ კიდევ ადამიანთა შორის ცხოვრობდა და მათ სასწაულებით აჯილდოებდა, ქალაქ ედესის მთავარი ავგაროზი, უკურნებელმა სენმა შეიპყრო, ექიმებმა მისი გადარჩენის იმედი დაკარგეს. მაშინ ავგაროზმა შიკრიკი აფრინა იესო ქრისტესთან და მისწერა, რომ თუ ამ სნეულებისაგან განკურნავდა, მის ყოველ ნებას აღასრულებდა და ურიებისაგან დევნილს თავის სამეფოში მოსვენებით აცხოვრებდა.
|
|
|
|
|
